आधुनिक सुविधा आजच्या युगात आरोग्यसेवा क्षेत्रामध्ये आधुनिक तंत्रज्ञान आणि अद्ययावत सोयी-सुविधा उपलब्ध असूनसुद्धा, त्या गरजू रुग्णांपर्यंत प्रभावीपणे पोहोचविणे हे एक मोठे आव्हान ठरत आहे. या पार्श्वभूमीवर आरोग्य जागृतीचे कार्य अत्यंत मोलाचे ठरत आहे, असे मत डॉ. सचिन नगरे यांनी व्यक्त केले आहे.डॉ. नगरे म्हणाले, “रुग्णालयामध्ये अत्याधुनिक यंत्रसामग्री, चाचण्या आणि तज्ञ डॉक्टर्स उपलब्ध असूनसुद्धा अनेक रुग्णांना या सेवांबद्दल माहिती नसते. अशा वेळी आरोग्य जागृतीमुळे रुग्णांमध्ये जागरूकता निर्माण होते आणि ते योग्य वेळी उपचारासाठी पुढे येतात. त्यामुळे रुग्णालयाचे उद्दिष्ट साध्य होण्यास मदत होते.”त्यांनी पुढे सांगितले की, “सामाजिक संस्था, स्वयंसेवी कार्यकर्ते आणि स्थानिक आरोग्य सेवक यांच्या माध्यमातून राबविण्यात येणारे आरोग्य जनजागृती उपक्रम गरजूंपर्यंत आरोग्यसेवा पोहोचविण्यास खूपच उपयुक्त ठरत आहेत. या कार्यामुळे आम्हाला देखील रुग्णसेवा अधिक प्रभावीपणे करण्यास मदत होते.”डॉ. सचिन नगरे यांच्या मते, केवळ सुविधा उपलब्ध करून देणे पुरेसे नाही, तर त्या लोकांपर्यंत पोहोचविणे हेच खरे आरोग्यसेवेचे ध्येय असले पाहिजे. अशा उपक्रमांचे स्वागत करत त्यांनी या कार्यामध्ये सहकार्य करण्याची तयारी देखील दर्शवली. आरोग्य जागृतीच्या टीमचे कौतुक करत सुभेचछा दिल्या
